White Coconut Chutney for Dosa / idli

നാളികേര ചട്ണി 

ചേരുവകൾ 

• നാളികേരം  - 1/2 മുറി 
• ഇഞ്ചി          - ചെറിയ കഷ്ണം 
• പച്ചമുളക്    - 3 
• കറിവേപ്പില - 1 തണ്ട് 
• ഉപ്പ്               - ആവശ്യത്തിന് 
• കടുക്          - 1/2 tsp 
• വെളിച്ചെണ്ണ - 1 tsp 
• വെള്ളം         - ആവശ്യത്തിന് 

പാകം ചെയ്യുന്ന വിധം 

• അര മുറി നാളികേരം ചിരവി (ഗ്രേറ്റ് ചെയ്ത് ) എടുക്കുക.
• അതിലേക്കു ചെറിയ കഷ്ണം ഇഞ്ചിയും പച്ചമുളകും രണ്ടോ മൂന്നോ കറിവേപ്പിലയും ആവശ്യത്തിന് ഉപ്പും ചിരവിയെടുത്ത നാളികേരത്തിന്റെ  3/4 ഭാഗം വെള്ളവും ഒഴിച്ച് മിക്സിയുടെ ചെറിയ ജാറിൽ നന്നായി അരച്ചെടുത്ത്  ഒരു പാത്രത്തിലേക്ക് പകർത്തി വയ്ക്കുക. 
• ശേഷം ഒരു പാനിൽ 1 tsp വെളിച്ചെണ്ണ ഒഴിക്കുക.
• വെളിച്ചെണ്ണ ചൂടാകുമ്പോൾ 1/2 tsp കടുക് അതിലേക്കു ഇടുക.
• കടുക് പൊട്ടി കഴിയുമ്പോൾ ബാക്കിയുള്ള കറിവേപ്പില കൂടി ഇതിലേക്കിട്ട് തീ ഓഫ് ചെയ്യുക. 
• ഇത് അരച്ചു വച്ച കൂട്ടിലേക്ക്‌ ചേർത്ത് മിക്സ് ചെയ്യുക.

നാളികേര ചട്ണി ഇങ്ങനെ തയ്യാറാക്കി എടുക്കാം.