Ridge Gourd Curry with Dry Prawns ( Unakka Chemmeen ittu vacha Peechinga Curry )

ഉണക്ക ചെമ്മീൻ ഇട്ടു വച്ച പീച്ചിങ്ങ കറി 

ചേരുവകൾ 

• പീച്ചിങ്ങ                         - 1 ചെറുത് 
• ഉണക്ക ചെമ്മീൻ          - 1 കപ്പ് 
• തക്കാളി                         - 1 വലുത് 
• നാളികേരം ചിരകിയത് - 2 പിടി 
• പച്ചമുളക്                       - 1 
• ഉള്ളി                               - 5 എണ്ണം 
• വേപ്പില                           - 1 തണ്ട് 
• ഇഞ്ചി                            - ചെറിയ കഷ്ണം 
• വെളിച്ചെണ്ണ                   - 2 1/2 tsp 
• ഉപ്പ്                                 - ആവശ്യത്തിന്
• മഞ്ഞൾപൊടി              - 3/4 tsp 
• മുളകുപൊടി                 - 1 1/2 tsp  
• വെള്ളം                           - ആവശ്യത്തിന് 

പാകം ചെയ്യുന്ന വിധം 

• ആദ്യം ഉണക്ക ചെമ്മീന്റെ തലയും വാലും കളഞ്ഞു കഴുകി വൃത്തിയാക്കി വയ്ക്കുക.
• ഒരു പാൻ ചൂടാക്കി 1/2 tsp വെളിച്ചെണ്ണ ഒഴിച്ച് വൃത്തിയാക്കി വച്ച ഉണക്ക ചെമ്മീൻ 4 -5 മിനിട്ടു നേരം മീഡിയം തീയിൽ ഫ്രൈ ചെയ്യുക.
• പീച്ചിങ്ങയുടെ കൂർത്ത അഗ്രങ്ങൾ മാറ്റി ചെറുതാക്കി അരിഞ്ഞതും നീളത്തിൽ അരിഞ്ഞ തക്കാളിയും ഒരു മൺകലത്തിൽ (അല്ലെങ്കിൽ ചുവടു കട്ടിയുള്ള പാത്രത്തിൽ ) ഇടുക.
• ഇതിലേക്ക് 2 ഗ്ലാസ് വെള്ളവും ആവശ്യത്തിന് ഉപ്പും 3/4 tsp മഞ്ഞൾപൊടിയും 1 1/2 tsp മുളകുപൊടിയും ചേർത്ത് മിക്സ് ചെയ്ത് പീച്ചിങ്ങ വേവിച്ചെടുക്കുക.
• ഈ സമയം മിക്സിയുടെ ചെറിയ ജാറിൽ ചിരകിയ നാളികേരം, 3 ഉള്ളി, ഇഞ്ചി, പച്ചമുളക്, വറുത്തു വച്ച ഉണക്കചെമ്മീന്റെ പകുതി, അല്‌പം വെള്ളം എന്നിവ ചേർത്ത് എല്ലാം കൂടി നല്ലവണ്ണം അരച്ചെടുക്കുക.
• പീച്ചിങ്ങ ഒരുവിധം വേവ് ആകുമ്പോൾ ബാക്കി ഉള്ള വറുത്ത ഉണക്കച്ചെമ്മീനും അരച്ചെടുത്ത മിക്സും കലത്തിലേക്ക്  ചേർത്തിളക്കുക.
• 2 മിനിറ്റു തിളപ്പിച്ച ശേഷം തീ ഓഫ് ചെയ്യാം. 
• ശേഷം ഒരു പാൻ ചൂടാക്കി 2 tsp വെളിച്ചെണ്ണ ഒഴിച്ച് 2 ഉള്ളി ചെറുതാക്കി അരിഞ്ഞതും വേപ്പിലയും ഇട്ടു കൊടുക്കുക.
• ഉള്ളി ഗോൾഡൻ കളർ ആകുമ്പോൾ തീ ഓഫ് ചെയ്ത് ഇത് കറിയിലേക്കു ഒഴിച്ചു കൊടുക്കാം.

ഇങ്ങനെ ഉണക്കച്ചെമ്മീൻ ഇട്ടു വച്ച പീച്ചിങ്ങ കറി തയ്യാറാക്കാം...