Masala Kappalandi

മസാല കപ്പലണ്ടി 

ചേരുവകൾ 

• കപ്പലണ്ടി                       - 1 കപ്പ് 
• കടലപ്പൊടി                    - 1/2 കപ്പ് 
• അരിപൊടി                    - 2 tsp 
• കാശ്‌മീരി മുളകുപൊടി - 2 tsp 
• മുളകുപൊടി                  - 1/2 tsp 
• മഞ്ഞൾപൊടി              - 1/2 tsp 
• ഉപ്പ്                                 - ആവശ്യത്തിന് 
• കായംപൊടി                 - 1/4 tsp 
• ഇഞ്ചി                           - ചെറിയ കഷ്ണം 
• വെളുത്തുള്ളി               - 4 എണ്ണം 
• കറിവേപ്പില                   - 2 തണ്ട് 
• വെള്ളം                          - ആവശ്യത്തിന് 
• വെളിച്ചെണ്ണ                  - ആവശ്യത്തിന് 

പാകം ചെയ്യുന്ന വിധം 

• ഒരു പാത്രത്തിൽ കടലപ്പൊടി എടുത്ത് അതിലേക്ക് അരിപൊടി, കാശ്‌മീരി മുളകുപൊടി, മഞ്ഞൾപൊടി, കായംപൊടി, ആവശ്യത്തിന് ഉപ്പ്  എന്നിവ ചേർത്തു മിക്സ് ചെയ്യുക.
• ഇതിലേക്ക് ഇഞ്ചിയും വെളുത്തുള്ളിയും നല്ലവണ്ണം ചതച്ചെടുത്തത് കൂടി ചേർത്ത് ആവശ്യത്തിനു വെള്ളം ഒഴിച്ചു ചപ്പാത്തി മാവിനേക്കാൾ അല്‌പം അയഞ്ഞ പരുവത്തിൽ കുഴച്ചെടുക്കുക.
• ഈ മാവിലേക്ക് 1 കപ്പ് കപ്പലണ്ടി ഇട്ട് മിക്സ് ചെയ്യുക. ഒന്നോ രണ്ടോ മണിക്കൂർ കപ്പലണ്ടിയിൽ മസാല നന്നായി പിടിക്കാനായി മാറ്റി വയ്ക്കുക.
• ശേഷം പാൻ ചൂടാക്കി അതിലേക്കു വറുക്കുന്നതിനാവശ്യമായ വെളിച്ചെണ്ണ ഒഴിക്കുക.
• വെളിച്ചെണ്ണ ചൂടാകുമ്പോൾ മസാലയോടു കൂടിയ കപ്പലണ്ടി ഓരോന്നോരോന്നായി വെളിച്ചെണ്ണയിലേക്ക് ഇട്ടുകൊടുത്തു കുറഞ്ഞതീയിൽ ഇളക്കിക്കൊണ്ടിരിക്കണം.
• കൂടുതൽ ഇരുണ്ട നിറം ആകുന്നതിനു മുൻപേ വെളിച്ചെണ്ണയിൽ നിന്നും മസാല കപ്പലണ്ടി കോരി എടുക്കാം. ഇങ്ങനെ ബാക്കി ഉള്ള കപ്പലണ്ടിയും വറുത്തെടുക്കാവുന്നതാണ്.
•  ഇതേ വെളിച്ചെണ്ണയിൽ 2 തണ്ട് കറിവേപ്പില വറുത്തെടുത്തു മസാല കപ്പലണ്ടിയിൽ ചേർത്തു കൊടുക്കാം.
• ശേഷം 1/2 tsp മുളകുപൊടിയും 1/4 tsp ഉപ്പും ചെറു ചൂടോടുകൂടിയ മസാല കപ്പലണ്ടിയിലേക്ക് ചേർത്ത് യോജിപ്പിച്ചെടുക്കാം.

ഇങ്ങനെ സ്‌പൈസി ആയ മസാല കപ്പലണ്ടി തയ്യാറാക്കാം...