Chicken Roll / Chicken Spring Roll

ചിക്കൻ റോൾ / ചിക്കൻ സ്പ്രിംഗ് റോൾ 

ചേരുവകൾ 

• ചിക്കൻ                  - 250 ഗ്രാം (ബോൺലെസ്സ് ചിക്കൻ)
• മഞ്ഞൾപൊടി       - 1/2 tsp  
• കുരുമുളകുപൊടി - 1/2 tsp 
• ഉപ്പ്                          - ആവശ്യത്തിന് 
• വെളിച്ചെണ്ണ            - വറുത്തെടുക്കാൻ ആവശ്യത്തിന് 
• മുട്ട                          - 2 എണ്ണം 
• മൈദ                      - 1/2 കപ്പ് 
• വെള്ളം                    - ആവശ്യത്തിന് 
• ബ്രഡ് പൊടി           -1/2 കപ്പ് 

മസാല തയ്യാറാക്കുന്നതിനു വേണ്ട ചേരുവകൾ 

• വെളിച്ചെണ്ണ            - 1 tsp 
• ഇഞ്ചി                      - ചെറിയ കഷ്ണം 
• വെളുത്തുള്ളി         - 4 എണ്ണം 
• സവാള                    - 1 എണ്ണം 
• പച്ചമുളക്                - 2 എണ്ണം 
• കറിവേപ്പില              - 1 തണ്ട് 
• മഞ്ഞൾപൊടി        - 1/4 tsp 
• മല്ലിപൊടി                - 1/4 tsp 
• ഗരമസാലപൊടി     - 1/4 tsp 
• ഉപ്പ്                           - ആവശ്യത്തിന് 
• കുരുമുളകുപൊടി  - 1/2 tsp 

പാകം ചെയ്യുന്ന വിധം 

• കഴുകി വൃത്തിയാക്കിയ ചിക്കനിൽ 1/2 tsp മഞ്ഞൾപൊടിയും 1/2 tsp കുരുമുളകുപൊടിയും ആവശ്യത്തിന് ഉപ്പും പുരട്ടി വെളിച്ചെണ്ണയിൽ വറുത്തെടുക്കുക.
• ചൂടാറുമ്പോൾ ഇത് മിക്സിയിൽ ഇട്ട് ചതച്ചെടുത്തു മാറ്റി വയ്ക്കുക.
• റോളിന് ആവശ്യമായ മാവ് തയ്യാറാക്കാനായി ഒരു മുട്ടയും 1/2 കപ്പ് മൈദയും ആവശ്യത്തിന് വെള്ളവും ഉപ്പും ചേർത്ത് ദോശ മാവ് പരുവത്തിൽ മാവ് തയ്യാറാക്കുക.
• ഈ മാവ് ഉപയോഗിച്ച് ദോശ പാനിൽ ചെറിയ ചെറിയ ദോശകൾ ഉണ്ടാക്കി മാറ്റി വയ്ക്കാം.
• മസാല തയ്യാറാക്കുന്നതിനു വേണ്ടി ഒരു പാൻ ചൂടാക്കി 1 tsp വെളിച്ചെണ്ണ ഒഴിച്ച് വളരെ ചെറുതാക്കി അരിഞ്ഞ ഇഞ്ചി, വെളുത്തുള്ളി, സവാള, പച്ചമുളക്, കറിവേപ്പില എന്നിവ ഓരോന്നായി ഇട്ടുകൊടുക്കാം.
• സവാള വാടി വരുമ്പോൾ മഞ്ഞൾപൊടി, മല്ലിപൊടി, ഗരമസാലപ്പൊടി, കുരുമുളകുപൊടി, ആവശ്യത്തിന് ഉപ്പ് എന്നിവ ചേർത്ത് മിക്സ് ചെയ്യാം.
• ചതച്ചു വച്ചിരുന്ന ചിക്കൻ ഇതിലേക്ക് ചേർത്ത് യോജിപ്പിച്ച ശേഷം സ്റ്റവ് ഓഫ് ചെയ്യാം.
• ശേഷം ഓരോ ദോശയിലും 1 tsp മസാല കൂട്ട് ഫിൽ ചെയ്ത് റോൾ ചെയ്ത് എടുക്കുക.
• ഈ റോൾ മുട്ടയുടെ മഞ്ഞയും വെള്ളയും കൂടി അടിച്ചെടുത്തതിൽ മുക്കിയ ശേഷം ബ്രഡ് പൊടിയിലും മുക്കി എണ്ണയിൽ വറുത്തെടുക്കാം.

ഇങ്ങനെ ചിക്കൻ സ്‌പ്രിംഗ്‌ റോൾ തയ്യാറാക്കാം...