Mulappicha Cherupayar Thoran ( Sprouted Green Gram Stir Fry )

മുളപ്പിച്ച ചെറുപയർ തോരൻ 

ചേരുവകൾ 

മുളപ്പിച്ച ചെറുപയർ 

• മുളപ്പിച്ച ചെറുപയർ         - 1 കപ്പ് 
• ഗ്രേറ്റ് ചെയ്ത നാളികേരം - 1/2  കപ്പ് 
• ഉപ്പ്                                 -ആവശ്യത്തിന് 
• വെള്ളം                           - 3/4 കപ്പ് 
• വെളിച്ചെണ്ണ                   - 2 tsp 
• ഉള്ളി                               - 7 -8 എണ്ണം 
• ഇഞ്ചി                           - ചെറിയ കഷ്ണം 
• വെളുത്തുള്ളി               - 7 -8 എണ്ണം 
• ഉണക്കമുളക്               - 6 -7 എണ്ണം 
• കറിവേപ്പില                   - 2 തണ്ട് 

പാകം ചെയ്യുന്ന വിധം 

• ചുവട് കട്ടിയുള്ള ഒരു പാത്രത്തിൽ 1 കപ്പ് മുളപ്പിച്ച ചെറുപയറും അതിന്റെ മുക്കാൽ ഭാഗത്തോളം വെള്ളവും ആവശ്യത്തിന് ഉപ്പും ചേർത്ത് വെള്ളം വറ്റുന്നതു വരെ മൂടി വേവിക്കുക.
• ഒരു പാനിൽ വെളിച്ചെണ്ണ ചൂടാക്കി അതിലേക്കു ഉള്ളി, ഇഞ്ചി, വെളുത്തുള്ളി, ഉണക്കമുളക് എന്നിവ ചതിച്ചെടുത്ത മിശ്രിതം ഇടുക. ഇത് ഒരുവിധം മൊരിഞ്ഞു വരുന്നതു വരെ ഇളക്കിക്കൊണ്ടിരിക്കണം.
• ശേഷം 1/2 കപ്പ് ഗ്രേറ്റ് ചെയ്ത നാളികേരവും കറിവേപ്പിലയും ഇതിലേക്ക് ഇടുക. 
• നാളികേരത്തിന്റെ പച്ചമണം മാറി ചുവന്ന നിറം ആകുമ്പോൾ വേവിച്ചു വച്ചിരിക്കുന്ന മുളപ്പിച്ച ചെറുപയർ ഇതിലേക്കു ചേർത്ത് യോജിപ്പിച്ചെടുത്തു തീ ഓഫ് ചെയ്യാവുന്നതാണ്.

ഇങ്ങനെ മുളപ്പിച്ച ചെറുപയർ തോരൻ തയ്യാറാക്കാം.