Egg Curry ( Mutta Curry)

മുട്ട കറി 

ചേരുവകൾ 

• മുട്ട                        - 5 (ആവശ്യത്തിന് )
• വെളിച്ചെണ്ണ         - 2 tsp 
• ഇഞ്ചി                   - ഒരു കഷ്ണം 
• വെളുത്തുള്ളി      - 6-7 എണ്ണം 
• സവാള                 - 4
• പച്ചമുളക്             - 1 
• കറിവേപ്പില          - 1 തണ്ട് 
• തക്കാളി               - 1 വലുത് 
• മഞ്ഞൾപൊടി    - 1/2 tsp 
• മല്ലിപൊടി            - 1 tsp 
• ഗരമസാലപ്പൊടി - 1/2 tsp 
• മുളകുപൊടി       - 1 1/2 tsp 
• കുരുമുളകുപൊടി - 1/4 tsp 
• ഉപ്പ്                        -  ആവശ്യത്തിന് 
• പഞ്ചസാര           - 1 നുള്ള് 
• വെള്ളം                 - 1 ഗ്ലാസ് 

പാകം ചെയ്യുന്ന വിധം 

• മുട്ട ആവശ്യത്തിനു വെള്ളവും ഉപ്പും ചേർത്ത് പുഴുങ്ങുക.
• ഒരു പാൻ ചൂടാക്കി അതിലേക്കു വെളിച്ചെണ്ണ ഒഴിക്കുക.
• വെളിച്ചെണ്ണ ചൂടാകുമ്പോൾ ചെറുതാക്കി അരിഞ്ഞ ഇഞ്ചിയും വെളുത്തുള്ളിയും ഇടുക.
• നിറം മാറി വരുമ്പോൾ ചെറുതാക്കി അരിഞ്ഞ സവാളയും പച്ചമുളകും കറിവേപ്പിലയും ആവശ്യത്തിന് ഉപ്പും ഇതിലേക്കിട്ട് വാട്ടി എടുക്കാം.
• ശേഷം മഞ്ഞൾപൊടി, മല്ലിപൊടി, ഗരമസാലപ്പൊടി, മുളകുപൊടി എന്ന ക്രമത്തിൽ ഓരോന്നായി ചേർത്ത് ചെറുതീയിൽ മിക്സ് ചെയ്തെടുക്കുക.
• ഇതിന്റെ പച്ചമണം മാറുമ്പോൾ ചെറുതാക്കി അരിഞ്ഞ തക്കാളി ചേർത്ത് നന്നായി വാട്ടി എടുക്കണം.
• ശേഷം 1 ഗ്ലാസ് വെള്ളം ഇതിലേക്ക് ഒഴിക്കുക. 4-5 മിനിട്ടോളം ഇത് തിളപ്പിക്കുക.
• 1 നുള്ളു പഞ്ചസാരയും 1/4 tsp കുരുമുളകുപൊടിയും കറിയിലേക്കു ചേർത്ത് ഇളക്കുക.
• അവസാനം ഒരുപുഴുങ്ങിയ മുട്ടയുടെ മഞ്ഞ എടുത്ത് 1 tsp വെള്ളത്തിൽ കലക്കി കറിയിലേക്കു ഒഴിക്കുക.( കറിയുടെ കൊഴുപ്പ് കൂട്ടാൻ വേണ്ടിയാണിത് )
• പുഴുങ്ങി വച്ച മുട്ടയുടെ തൊണ്ടു കളഞ്ഞു കറിയിലേക്കു ഇട്ടുകൊടുത്തു തീ ഓഫ് ചെയ്യാം.

ഇങ്ങനെ രുചികരമായ മുട്ട കറി തയ്യാറാക്കി എടുക്കാം.