Pazhampori ( Banana Fry )

പഴം പൊരി 

ചേരുവകൾ 

• പഴം              - 1 
• മൈദ           - 1/2 കപ്പ് 
• അരിപൊടി  - 1 tsp 
• ഉപ്പ്               - 1 നുള്ള് 
• പഞ്ചസാര  - 2 tsp 
• മഞ്ഞൾപൊടി - 1/4 tsp 
• വെള്ളം         - ആവശ്യത്തിന് 
• വെളിച്ചെണ്ണ - ആവശ്യത്തിന് 

പാകം ചെയ്യുന്ന വിധം 

• പഴം നീളത്തിൽ മൂന്നു കഷ്ണങ്ങളാക്കി മുറിക്കുക.
• ഒരു പരന്ന പാത്രത്തിൽ മൈദ എടുത്ത് അതിലേക്കു അരിപൊടി, ഉപ്പ്, പഞ്ചസാര, മഞ്ഞൾപൊടി, ആവശ്യത്തിന് വെള്ളം എന്നിവ ചേർത്ത് കൈ കൊണ്ടോ സ്പൂൺ ഉപയോഗിച്ചോ മിക്സ് ചെയ്ത് ഇഡ്ലി മാവ് പരുവത്തിൽ മാവ് തയ്യാറാക്കി എടുക്കുക.
• ഒരു പാൻ ചൂടാക്കി വറുത്തെടുക്കാൻ ആവശ്യമായ വെളിച്ചെണ്ണ ഒഴിക്കുക.
• എണ്ണ ചൂടാകുമ്പോൾ നീളത്തിൽ അരിഞ്ഞ പഴം ഓരോന്നായി മാവിൽ മുക്കിയെടുത്തു എണ്ണയിലേക്ക് ഇട്ടുകൊടുത്തു മീഡിയം തീയിൽ രണ്ടു ഭാഗവും മറിച്ചിട്ടു വേവിച്ചെടുക്കാം.
• രണ്ടു ഭാഗവും ചെറുതായി നിറം മാറുമ്പോൾ എണ്ണയിൽ നിന്നും കോരി എടുക്കാം.

ഇങ്ങനെ നമ്മുടെ നാടൻ പഴംപൊരി തയ്യാറാക്കി എടുക്കാം.