Unakka Chemmeen ittu vacha Urulakkizhangu Curry / Potato Curry with Dry Prawns

ഉണക്ക ചെമ്മീൻ ഇട്ടു വച്ച ഉരുളക്കിഴങ്ങ് കറി 

ചേരുവകൾ 

• ഉരുളക്കിഴങ്ങ്       - 2 വലുത് 
• ഉണക്ക ചെമ്മീൻ - 1 കപ്പ് 
• ഇഞ്ചി                   - ഒരു ചെറിയ കഷ്ണം 
• വെളുത്തുള്ളി       - 7-8 എണ്ണം 
• സവാള                  - 2 എണ്ണം 
• പച്ചമുളക്              - 1 എണ്ണം 
• കറിവേപ്പില            - 1 തണ്ട് 
• ഉപ്പ്                          - ആവശ്യത്തിന് 
• തക്കാളി                 - 2 ചെറുത് 
• മഞ്ഞൾപൊടി       - 1/2 tsp 
• മല്ലിപൊടി               - 1 1/2 tsp 
• ഗരമസാലപൊടി    - 1 tsp 
• മുളകുപൊടി           - 1 1/2 tsp 
• ഉള്ളി                        - 4 എണ്ണം 
• വെളിച്ചെണ്ണ            - 3 tsp 
• വെള്ളം                    - 2 കപ്പ് 

പാകം ചെയ്യുന്ന വിധം 

• ഉണക്ക ചെമ്മീനിന്റെ തലയും വാലും കളഞ്ഞു കഴുകി വൃത്തിയാക്കി വയ്ക്കുക.
• ഒരു പാൻ ചൂടാക്കി 1 tsp വെളിച്ചെണ്ണ ഒഴിച്ച് ഉണക്ക ചെമ്മീൻ വറുത്തെടുക്കുക.
• ഇതിൽ നിന്നും പകുതി ചെമ്മീനും 4 ഉള്ളിയും കൂടി മിക്സിയിൽ അരച്ചെടുത്തു മാറ്റി വയ്ക്കുക.
• വേറൊരു പാൻ ചൂടാക്കി 2 tsp വെളിച്ചെണ്ണ ഒഴിക്കുക.
• വെളിച്ചെണ്ണ ചൂടാകുമ്പോൾ ഇഞ്ചിയും വെളുത്തുള്ളിയും ചെറുതാക്കി അരിഞ്ഞത് ഇട്ടു മൂപ്പിച്ചെടുക്കുക.
• ശേഷം ചെറുതാക്കി അരിഞ്ഞ സവാളയും നീളത്തിൽ അരിഞ്ഞ പച്ചമുളകും 1 തണ്ട് കറിവേപ്പിലയും ചേർത്ത് വാട്ടി എടുക്കുക.
• സവാള ഒരുവിധം വാടുമ്പോൾ മഞ്ഞൾപൊടി, മല്ലിപൊടി, ഗരമസാലപ്പൊടി, മുളകുപൊടി എന്നീ ക്രമത്തിൽ ഓരോന്നായി ചേർത്തു യോജിപ്പിച്ചെടുക്കാം.
• ഇതിലേക്ക് ചെറുതാക്കി അരിഞ്ഞ തക്കാളിയും ആവശ്യത്തിന് ഉപ്പും ചേർത്ത് നന്നായി വാട്ടി എടുക്കണം.
• ശേഷം ഉണക്ക ചെമ്മീനും ഉള്ളിയും അരച്ചെടുത്തത് ചേർത്ത് യോജിപ്പിക്കുക.
• പിന്നീട് 2 കപ്പ് വെള്ളം ഇതിലേക്ക് ഒഴിക്കുക.
• വെള്ളം തിളക്കുമ്പോൾ തൊലി കളഞ്ഞു വൃത്തിയാക്കിയ ഉരുളക്കിഴങ്ങു ചെറുതാക്കി അരിഞ്ഞതും വറുത്തു മാറ്റി വച്ച ഉണക്ക ചെമ്മീനും  ഇതിലേക്കിട്ടു വേവിച്ചെടുക്കാം.(10-15 മിനിറ്റ് മീഡിയം തീയിൽ വേവിച്ചെടുക്കുക )

ഇങ്ങനെ ഉണക്ക ചെമ്മീൻ ഇട്ടു വച്ച ഉരുളക്കിഴങ്ങു കറി തയ്യാറാക്കി എടുക്കാം.