Aviyal / അവിയൽ

അവിയൽ / കുക്കറിൽ എളുപ്പത്തിൽ ഒരു അവിയൽ

ചേരുവകൾ 

• ക്യാരറ്റ്                     - 3 nos 
• പച്ചക്കായ               - 1 nos 
• ചേന                       - ചെറിയ കഷ്ണം 
• മുരിങ്ങാക്കോൽ    - 3  nos 
• ബീൻസ്                  - 5 -6 nos 
• നീളൻ പയർ (അച്ചിങ്ങ പയർ )- 4 -5 nos  (വേണമെങ്കിൽ ഇഷ്ടമുള്ള പച്ചക്കറികൾ കൂടെ ചേർക്കാവുന്നതാണ് )
• കറിവേപ്പില            - 3 തണ്ട് 
• മഞ്ഞൾപൊടി      - 1/2 tsp 
• മുളകുപൊടി         - 1/4 tsp 
• ഉപ്പ്                         - ആവശ്യത്തിന് 
• വെളിച്ചെണ്ണ           - 3 tsp 
• നാളികേരം ചിരകിയത് - 5 tsp 
• നല്ല ജീരകം            - 1 tsp 
• ഉള്ളി                      - 4 nos 
• പച്ചമുളക്              - 1 
• തൈര്                   - 1 tsp 
• വെള്ളം                  - ആവശ്യത്തിന് 

പാകം ചെയ്യുന്ന വിധം 

• എല്ലാ പച്ചക്കറികളും നീളത്തിൽ ഒരേ വലിപ്പത്തിൽ മുറിച്ചെടുക്കുക.
• ഒരു കുക്കറിലേക്കു അരിഞ്ഞു വച്ച എല്ലാ പച്ചക്കറികളും ,മഞ്ഞൾപൊടി ,മുളകുപൊടി ,ആവശ്യത്തിന് ഉപ്പ് , 1 tsp വെളിച്ചെണ്ണ ,1/2 ഗ്ലാസ് വെള്ളം എന്നിവ ചേർത്ത് യോജിപ്പിച്ച ശേഷം വേവിച്ചെടുക്കുക.(വിസിൽ വരുന്നതിനു തൊട്ടുമുൻപ് തീ ഓഫ് ചെയ്യാം )
• മിക്സിയുടെ ചെറിയ ജാറിൽ നാളികേരം ചിരകിയതും നല്ല ജീരകവും ഉള്ളിയും പച്ചമുളകും ചേർത്ത് വെള്ളം ഒഴിക്കാതെ ചെറുതായി അരച്ചെടുക്കാം.(നന്നായി അരയേണ്ടതില്ല )
• ഈ കൂട്ട് കുക്കറിൽ ചേർത്ത് യോജിപ്പിച്ചെടുക്കാം.
• കുക്കറിൽ വെള്ളം ഉണ്ടെങ്കിൽ അത് വറ്റുന്നത് വരെ ചെറുതീയിൽ വയ്ക്കാം.
• ശേഷം തീ ഓഫ് ചെയ്ത് 1 tsp തൈര് ചേർത്ത് മിക്സ് ചെയ്യാം.
• അവസാനമായി 2 tsp പച്ചവെളിച്ചെണ്ണ കറിയിൽ ഒഴിച്ച് അതിനു മീതെ കറിവേപ്പില കൈ കൊണ്ട് മുറിച്ചിട്ട് യോജിപ്പിച്ചെടുക്കാം.

ഇങ്ങനെ കുക്കറിൽ രുചികരമായ അവിയൽ തയ്യാറാക്കി എടുക്കാം...