Beef Curry/ ബീഫ് കറി

ബീഫ് കറി / എളുപ്പത്തിൽ ഒരു ബീഫ് കറി 

ചേരുവകൾ 

• ബീഫ്              - 1 kg 
• ചെറിയ ഉള്ളി - 15 -20 nos 
• സവാള           - 1 nos 
• ഇഞ്ചി             - വലിയ കഷ്ണം 
• വെളുത്തുള്ളി - 10 എണ്ണം 
• പച്ചമുളക്        - 2 എണ്ണം 
• കറിവേപ്പില      - 3 തണ്ട് 
• മല്ലിയില           - ഒരു പിടി 
• തക്കാളി           - 2 എണ്ണം 
• വെളിച്ചെണ്ണ     - 3 tsp 
• മഞ്ഞൾപൊടി - 1/2 tsp 
• മുളകുപൊടി    - 1 1/2 tsp 
• കാശ്‌മീരി മുളകുപൊടി - 1 tsp 
• മല്ലിപൊടി         - 1 1/2 tsp 
• ഗരമസാലപ്പൊടി - 2 tsp 
• ഉപ്പ്                     - ആവശ്യത്തിന് 
• കുരുമുളകുപൊടി - 1 tsp 

പാകം ചെയ്യുന്ന വിധം 

• പാൻ ചൂടാക്കി 3 tsp  വെളിച്ചെണ്ണ ഒഴിച്ചുകൊടുക്കുക.
• ഇതിലേക്ക് ചെറുതായി അരിഞ്ഞ ഇഞ്ചി, വെളുത്തുള്ളി എന്നിവയും നീളത്തിൽ അരിഞ്ഞ ചെറിയ ഉള്ളിയും സവാളയും പച്ചമുളകും കറിവേപ്പിലയും ഇട്ടു നന്നായി വാട്ടി എടുക്കുക.
• ശേഷം മഞ്ഞൾപൊടി, മുളകുപൊടി, കാശ്‌മീരി മുളകുപൊടി, മല്ലിപൊടി, ഗരമസാലപ്പൊടി, ആവശ്യത്തിന് ഉപ്പ് എന്നിവ ചേർത്ത് മൂപ്പിച്ചെടുക്കുക.
• പിന്നീട് തക്കാളി ചെറുതാക്കി അരിഞ്ഞെടുത്തോ  അല്ലെങ്കിൽ മിക്സിയിൽ അരച്ചെടുത്തോ ചേർക്കാവുന്നതാണ്.
• തക്കാളി നന്നായി വാടിയ ശേഷം 1 tsp കുരുമുളകുപൊടിയും, ചെറുതാക്കി അരിഞ്ഞ മല്ലിയിലയും ചേർത്ത് തീ ഓഫ് ചെയ്യാം.
• ശേഷം ഒരു കുക്കറിൽ ചെറുതാക്കി അരിഞ്ഞ ബീഫും തയ്യാറാക്കി വച്ചിരിക്കുന്ന മസാല കൂട്ടും നന്നായി യോജിപ്പിച്ച ശേഷം 5-6 വിസിൽ അടിപ്പിക്കുക.(വെള്ളം ചേർക്കേണ്ടതില്ല )

ഇങ്ങനെ എളുപ്പത്തിൽ രുചികരമായ ബീഫ് കറി തയ്യാറാക്കി എടുക്കാം...